Southampton me Brojën surprizon Tottenhamin, City bën detyrën (VIDEO)

Tottenham është surprizuar në shtëpi nga Southamptoni i Brojës pasi u mposht me rezultatin 2-3. Ndeshja u zhbllokua fillimisht nga një autogol i Bednarek në minutën e 18të, por vetëm pesë minuta më vonë Armando Broja vendosi gjithçka në ekuilibër. Bomberi shqiptar u tregua i vëmendshëm duke përfituar nga një rrëmujë në zonë për ta dërguar topin në kuadrat.

Megjithatë, ishte Son ai që kaloi sërish Tottenham në avantazh në minutën e 70. Dy minuta i mjaftuan Southampton tw shokuar ekipin e Contes. Elyounoussi barazoi për miqtë në minutën e 80. Përmbysja e çmendur erdhi në minutën e 82 nga Che Adams që shënoi një gol me kokë duke mos i dhënë asnjë shpresë Hugo Lloris.

Manchester City bëri detyrën në javën e 24-t të Premier League-s. Kryesuesit e kampionatit anglez mposhtën pa vështirësi 2-0 Brentfordin në “Etihad”, me gola të Riad Mahrez, që shënoi me penallti në minutën e 40-të, dhe të Kevin De Bruyne, që mbylli ndeshjen në të 69-tën. 60 pikë ka grumbulluar skuadra e Pep Guardiolës në 24 javë, 12 më shumë se Liverpooli ndjekës, por që ka zhvilluar dy sfida më pak.