Spanja fiton Ligën e Kombeve, mund nga ruleta e penalltive Kroacinë (VIDEO)

Kryesore Sporti E Diel, 18 Qershor 2023 23:35

Spanja është fituese e Ligës së Kombeve për vitin 2023. Skuadra iberike fitoi nga ruleta e penalltive ndaj Kroacisë, pasi koha e rregullt dhe shtesat u mbyllën pa gola, 0-0.

Kroacia në 45 minutat e para ishte më dominuese në lojë dhe pati më shumë goditje në portë. Edhe pjesa e dytë nis më mirë për Kroacinë, që nuk arrin të shfrytëzojë si duhet një gabim në dalje të Unai Simon në të 51-tën.

Rastin më ideal në pjesën e dytë e pati Ansu Fati, në minutën e 84-t, por Perisic e ndali në vijën fatale. Ndeshja më pas shkoi në shtesë, ku sërish nuk do të kishte gola. Nga ruleta e penalltive, fitoi Spanja që gaboi vetëm me Laporte, ndërkohë që te Kroacia gabuan Majer dhe Petkovic.