Spektakël në San Siro, Roma shtang Milanin në “frymën e fundit” (VIDEO)

Spektakël dhe emocione në super duelin e javës së 17-të të Seria A mes Milanit dhe Romës, që do të mbyllej në shifrat 2-2. Edhe pse kuqezinjtë ishin në avantazh të dyfishtë, verdhekuqtë barazuan gjithçka në minutat e fundit.

Skuadra e Piolit do të zhbllokonte shifrat me Kalulu në minutën e 30-të, pas një topi që mori nga Tonali. Roma provoi të reagonte duke vënë disi në vështirësi Milani.

Gjithsesi kuqezinjtë kundërsulmonin mjaft mirë dhe pikërisht nga një dalje e tillë, Pobega shënoi dhe golin e dytë në minutën e 77-të. Roma reagoi tri minuta nga fundi i kohës së rregullt për të rihapur ndeshjen me një goditje me kokë të Ibanez.

Roma ngulmoi me të gjitha mënyrat dhe në kohën shtesë gjen dhe golin e dytë, me Abraham që realizon pas një rrëmujë në zonën e portierit Tatarusanu. Milani me këtë barazim ngjitet në kuotën e 37 pikëve, në vendin e tretë. /R.Lika-Koha Jonë/