Stadiumi i ri nuk i reziston dot motit të keq, dëmtime të mëdha te pjesa e jashtme

Stuhitë në orët e fundit kanë sjellë probleme të mëdha në Shqipëri.

Nga moti i keq e ka pësuar edhe stadiumi i ri kombëtar, “Air Albania”, i cili ka pësuar dëme të konsiderueshme në fasadën e jashtme.

“Ora News” sjell pamje nga dëmtimet, teksa ka shtuar se ka nisur puna për rikonstruksionin e tyre.

Pak kohë pas inagurimit të stadiumit kombëtar, fasada ka pësuar dëmtime pas motit të keq dhe stuhive të shiut.

Fasada ka pësuar dëmtime në pjesën e kollonave si dhe xhamave. Një grup punëtorësh kanë nisur punën për të rikonstruktuar këtë pjesë.

Ndërkohë përveç pjesës së fasadës së jashtme, punëtorët po kryejnë punime edhe në ambientet e brendshme, pasi pavarësisht inagurimit nuk kanë mbaruar punimet në stadiumin kombëtar.