Stanozololi, substanca e “mallkuar” që ka penalizuar kampionët në peshëngritje

Në momentin kur u duk se peshëngritja sërish arriti në nivele të larta pas medaljeve të Romela Begajt, ka ardhur sërish goditja e radhës. Peshëngritësja shqiptare ka rezultuar pozitive në testin e parë anti-doping ndaj substancës stanozolol, e njëjta për të cilën Begaj u dënua pak vite më parë.

Por çfarë është konkretisht stanozololi? Ajo është një substancë sintetike, e cila merret nëpërmjet rrugëve orale ose injektimeve në muskuj dhe në pacientët normalë përdoret kryesisht për kurimin e anemisë.

Stanozololi ndihmon në rritjen e masës muskulare, shtimin e rruazave të kuqe në gjak dhe forcimin e kockave. Përdorimi i kësaj substance te njerëzit lejohet që prej vitit 1962, ndërkohë që prej vitit 1974, IOC e ka vlerësuar atë si një substancë të ndaluar nga sportistët.

Me stanozolol kanë rezultuar pozitivë në të kaluarën dhe kampionë të mëdhenj si Ben Xhonson, që humbi titullin olimpik në garën e 100 metrave në Olimpiadën e Seul 1988, apo rusja Olimpiada Ivanova, e cila u pezullua për dy vjet në vitin 1997 dhe iu hoq medalja e argjendtë në Botërorin e Atletikës në garën e 10 mijë metrave. Ndërkohë që pozitiv me këtë substancë ka qenë edhe peshëngritësi Daniel Godelli. /Koha Jonë/