STATISTIKA/ Ja sa penallti ka humbur Lionel Messi në karrierën e tij!

Barcelona u eliminua nga Champions League, pa mundur që të përmbys humbjen 4-1 të sfidës së parë. Barazimi në Parc de Price, i dha biletën ekipit të Pochettinos, pavarësisht përpjekjeve të skuadrës Blaugrana për ta çuar ndeshjen të paktën në kohën shtesë.

Në fund të pjesës së parë Leo Messi kishte mundësinë për të shënuar një gol shumë të rëndësishëm nga pika e bardhë që do i kishte dhënë më shumë shpresa ekipit Blaugrana në fraksionin e dytë. Gjithsesi Keylor Navas e ndali, ndërkohë që më pas topi shkoi edhe në traversë.

Nuk ndodh shpesh që ta shohim “Pleshtin” që të gabojë penallti. Gjatë karrierës së tij me klubin katalanas dhe ekipin kombëtar, gjatë 90 minutave të rregullta (ose gjatë kohës shtesë), Leo Messi ka marrë përsipër 126 penallti, duke shënuar 98 dhe duke humbur 28. Përqindja e shënimit arrin në 77.7. Nëse marrim në konsideratë serinë e fundit të goditjes së penalltive, ai ka një bilanc prej 4 golash të shënuar dhe një gabimi. /R.Lika-Koha Jone/