Strakosha i përlotur: Më vjen keq, nuk e ndihmova Kombëtaren kur i duhesha

Thomas Strakosha për fatin e tij të keq bëri një nga gabimet e pakta në karrierën e tij në futbollin profesionist në humbjen ndaj Turqisë. Pas përfundimit të takimit u pa i përlotur, por gjeti menjëherë mbështetjen dhe ngrohtësinë e shokëve të skuadrës.

Nuk ishte mbrëmja që ëndërroje apo jo?

Fare, pasi ekipi luajti shumë mirë dhe kishte nevojë për mua në fund, por nuk i ndihmova. Më vjen shumë keq, por shpresoj që t’i ndihmoj në takimin e radhës.

Çfarë të thanë shokët pas ndeshjes?

Të gjithë erdhën dhe më folën mirë, pasi jemi skuadër dhe nuk duhet të individualizojmë gabimet. Megjithatë unë tani jam 24 vjeç dhe kam eksperiencë, ndaj nuk duhet ta bëja atë gabim.

Çfarë ju ka thënë Foto Strakosha?

Kam folur në telefon dhe normal që edhe ai e ka parë që gabova, por nuk kemi çfarë të bëjmë tani. Më vjen keq.