Suarez duhet të kalojë provimin e italishtes për të shkuar te Juvja

Marrëveshja personale me Juven është arritur, kontratë dyvjeçare për 10 milionë euro neto në sezon.  Sipas medieve në Spanjë, Juventusi do të ishte i gatshëm të paguante një shumë të caktuar për kartonin e lojtarit për të zhbllokuar marrëveshjen. Suarez do të fillojë procesin burokratik për të marrë pasaportën italiane, e nevojshme për të luajtur në Serinë A si komunitar.

33-vjeçari po përgatitet për të dhënë provimin e italishtes, që kërkohet me ligj nëse dëshiron të marrësh nënshtetësinë e këtij vendi. Në Uruguaj sigurojnë që testi do të zhvillohet në konsullatën italiane në Barcelonë. Nëse nuk do të ndodhë sot, është e sigurt që provimi do të jepet brenda kësaj jave.

Bashkëshortja e Suarezit është me origjinë italiane dhe e ka tashmë pasaportën. Të gjitha veprimet pas testit të gjuhës është e nevojshme të plotësohen formalitetet për të marrë dokumentin kërkojnë akoma të paktën dy javë kohë, në rastin më të mirë.