Super Kupa Italisë/ Juventus – Lazio, ja si pritet të rreshtohen skuadrat

Sot në orë 17:45, do të luhet Superkupa e Italisë ndërmjet Juventusit dhe Lacios, e ashtu si edhe në edicionin e kaluar kjo sfidë do të mbahet në Arabinë Saudite (Riad).

Skuadrat do të tentojnë fitimin e kësaj kupe për ta mbyllur në mënyrën më të mirë vitin 2019.

Të dy trajnerët duke se i kanë gati dhe formacionet të cilat do të hedhin në fushë në këtë përballje.

Tekniku i bardhezinjve, Maurizio Sarri do t’ia besojë sulmin përsëri tridhëmbëshit, Ronaldo, Higuain, Dybala. Nga minuta e parë për ekipin torinez pritet të luajnë, De Ligt, Szczesny dhe Aleks Sandro, që sëbashku me Cuadraduon dhe Bonuccin do të formojnë prapavijën. Mesfusha do të jetë me muskujt e Bentacur e Matuidi dhe me magjinë e Pjanic. Sarri nuk tërhiqet dhe do të luajë me tredhëmbësh. Ronaldo, Higuain dhe Dybala nga minuta e parë.

Lazio do t’i përgjigjet me sulmin e formuar nga Immobile dhe Correa. Lucas Leiva, Alberto dhe Lulic do të jenë në mbështetje të tyre, pa harruar Milinkovic-Savic.

Formacionet e mundshme

Juventus (4-3-3): Szczesny; Cuadrado, Bonucci, De Ligt, Alex Sandro; Bentancur, Pjanic, Matuidi; Dybala, Ronaldo, Higuain

Lazio (3-5-2): Strakosha; Luiz Felipe, Acerbi, Radu; Lazzari, Milinkovic-Savic, Lucas Leiva, Luis Alberto, Lulic; Immobile, Correa