Susi Wolf, Willimas-Mercedes sfidon rivalët me një femër në gara

Susie Wolff do të marrë pjesë në testet e garave të Williams-Mercedes,në dy provat e lira të Çmimit të Madh  të Spanjës dhe të Anglisë. Lajmin e bëri publik skuderia  në fjalë, teksa gruaja e numrit një të “Mercedes Motorsport”  do të marrë  pjesë në provat para dy garave të këtij sezoni, në Formula 1.  Gruaja e parë që ka marrë pjesë në garat e Formula 1 ishte Giovanna Amati në 1992, në tre gara, (Afrika e Jugut, Meksikë dhe Brazil) me Brabham, pa rrezikuar kualifikimin në Çmimin e Madh. – “Kjo eksperiencë në pistë do të jetë pjesë e punës së madhe për të motivuar tërë skuadrën,” – theksoi  Williams. – “Objekti ynë këtë vit është që të vijojmë punën e një viti më parë,” – tha  Wolff dhe shtoi se është stërvitur gjatë dimrit dhe është në formë të shkëlqyer dhe gati  për sezonin që po afron.