Sylvinho projekton revolucion ndaj Suedisë, ja ndryshimet që do të bëjë në formacion

Shqipëria ka mbyllur përgatitjet e fundit për ndeshjen me Suedinë. Kuqezinjtë zhvilluan seancën e fundit stërvitore në stadiumin “Friends Arena” aty ku dhe do të luhet sfida miqësore sonte në orën 19:00. Trajneri Sylvinho i kishte në dispozicion të gjithë lojtarët që ka grumbulluar, duke përfshirë edhe Etrit Berishën.

“Gardiani” i Empolit pritet ta nis nga minuta e parë. Ndryshime pritet që të ketë dhe në mbrojtje, me brazilianin që në sfidën e së hënës me gjasa do të aktivizojë Ivan Balliun në anën e djathtë, ndërkohë që në krahun tjetër konfirmohet titullar Mario Mitaj.

Në qendër pritet që të rikthehet titullar pas një viti me Kombëtaren Marash Kumbulla, i cili do të formojë dyshen e qendrës bashkë me kapitenin Berat Gjimshiti. Në mesfushë, Kristian Asllani dhe Ylber Ramadani do të formojnë dyshen para mbrojtjes,.

Më të avancuar pritet të jenë Arbër Hoxha nga e majta, Ernest Muçi në qendër dhe Arbnor Muçolli nga e djathta. Në majën e sulmit këtë herë do ta nisë si titullar Armando Broja.