Takaj: Jemi minus 300 mijë euro deri tani, qeveria jonë e ka mendjen te Juventusi

Sikur të mos mjaftonte kriza financiare që ka mbërthyer prej kohësh klubet e Superiores dhe jo vetëm, ndërprerja e kampionatit prej përhapjes së koronavirusit pritet të lërë pasoja të mëdha për të ardhmen. Presidenti i Skënderbeut, Ardjan Takaj së fundmi ka dhënë një intervistë për “Panorama Sport”, duke ironizuar jo pak për mungesën e mbështetjes nga shteti për klubet.

“Tani që po flas me ju, sapo kam lexuar njoftimin e Federatës së Futbollit të Kosovës dhe fondin prej 5 milionë eurosh që kishte dhënë qeveria aty për sportin. Edhe ne si klube e kemi bërë kërkesën për t’u kompensuar, por kemi hallen e Juventusit një herë. Të ndihmojmë Juven …

Po gjithë qeveria jonë është tifoze me Juventusin, ndërsa ajo kosovare është me klubet e tyre dhe fakt është se po i ndihmojnë. Kriza dhe humbjet do jenë shumë të mëdha pas këtij bllokimi total. Në këtë moment asnjë nuk e di sa do të vazhdojë kjo situatë.

Probleme do të ketë në të gjitha drejtimet. Vetëm shitja e Dejvi Bregut është minus 300 mijë euro për klubin tone në këtë moment”, deklaroi Takaj.