Takimi i dytë me Ministrinë e Shëndetësisë, mungon drita jeshile për Superligën

FSHF nuk ka mundur që të marrë ende një datë për rifillimin e kampionatit, as pas takimit të dytë me përfaqësuesit e Komitetit Teknik të Ekspertëve. Organi i futbollit kërkoi që stërvitja të niste më parë se data 18 maj, por kjo gjë nuk është miratuar.

Takimi i dytë ka qenë sërish në rrafshin teknik ku FSHF-ës i është kërkuar përmirësimi i protokollit sanitar në 2-3 pika, për stërvitjet individuale, kolektive dhe zhvillimi i ndeshjeve.

Grupi i eksperteve të FSHF do të punojë menjëherë për përmirësimin e këtyre elementeve të kërkuar dhe po sot do të vendos në dispozicion të Ministrisë së Shëndetësisë protokollin e ri me ndryshimet e bëra. Deri në një takim të tretë, vijon të qëndroj në fuqi data 18 maj, si data kur ekipet mund të rinisin stërvitjet individuale.