Talenti shqiptar shënon gol spektakolar ndaj Romës (VIDEO)

Kristjan Asllani është bërë protagonist i një goli shumë të bukur në sfidën ndaj Romës. Talenti shqiptar që luan te të rinjtë e Empolit, po bën mjaft mirë me ekipin e moshave.

Goli i 18-vjeçarit që është grumbulluar në të gjitha përfaqësueset e moshave të Shqipërisë, ishte vërtet i veçantë. Në humbjen 3-1 që Empoli i tij pësoi ndaj Romës, Asllani arriti të barazonte përkohësisht rezultatin në minutën e 67-të me një gol shumë të bukur nga goditja standarde që mahniti edhe komentatorin italian të Sport Italia-s, me këtë të fundit që e konsideroi thjeshtë të jashtëzakonshëm finalizimin e mesfushorit kuqezi.

18-vjeçari po përjeton një sezon shumë pozitiv në aspektin personal teksa në këtë edicion është grumbulluar në gjashtë ndeshje me Empolin në Serie B, edhe pse ende nuk ka debutuar.

🔙 La #Roma torna a vincere e consolida il primato in classifica. L’autogol dell' #Empoli sblocca la gara, ma i giallorossi conquistano i 3 pt grazie a due reti nel finale

⚽ 58' aut. Pratelli (E); 67' Asllani (E); 89' Tripi (R); 96' Bamba (R)

🎙 @GabrieleSchiavi #Sportitalia pic.twitter.com/92QWR6mbSY

— Sportitalia (@tvdellosport) February 22, 2021