Tare nuk e pret më Strakoshën, nis kontaktet me “gardianin” zviceran

Thomas Strakosha është rikthyer titullar në javët e fundit te Lazio në Seria A, por sërish nuk mjafton që gardiani kuqezi të bindet për të rinovuar kontratën e tij aktuale që i skadon në fund të këtij sezoni.

Në këto kushte ku as Reina nuk ofron garanci, Igli Tare po shqyrton tregun e transferimeve për të gjetur një zëvendësues të denjë. Sipas mediave italiane, Kepa i Chelsea mbetet dëshira e parë por së fundmi në skenë ka dalë edhe emri i Yann Sommer, 33-vjeçari që aktivizohet te Borussia Mönchengladbach.

Klubi nuk i ka vënë ultimatum gardianit shqiptar, tani është Strakosha që ka marrë kohë për të reflektuar për të ardhmen, pasi ka disa oferta të rëndësishme nga Premier League.