Të gjithë të çmendur pas Asllanit, 20-vjeçarin shqiptar e kërkon edhe Guardiola

Kristian Asllani është një nga risitë e trajnerit Reja për miqësoret ndaj Spanjës dhe Gjeorgjisë. 20-vjeçar ka zhvilluar 15 ndeshje në Serie A me skuadrën e Empolit, duke u dalluar me paraqitjet e tij pozitive. Çmimi i kartonit po i rritet, teksa e njëjta gjë po ndodh edhe me klubet e interesuara për shërbimet e tij.

Milan dhe Interi e ndjekin prej kohësh, teksa kanë gati dhe propozime konkrete me 10 milionë euro në sezon. Mesfushori monitorohet edhe nga Juventusi që gjithashtu e sheh si lojtar me shumë prespektivë në mesfushën që ka çaluar në sezonet e fundit.

Së fundmi gazetari italian, Alfredo Pedulla raporton se Asllani ka përfunduar edhe në fokusin e Manchester City, që së shpejti do të dërgojë disa skautë për ta ndjekur në aksion.