Teuta dhe Skënderbeu bëjnë “paqe” në Niko Dovana (VIDEO)

Teuta dhe Skënderbeu kanë ndarë nga një pikë në “Niko Dovana” në barazimin pa gola. Një pikë që për nga renditja vlen më shumë për durrsakët sesa për korçarët, që tani vetëm mrekullia i shpëton nga rënia, sepse ndodhen në fund.

Ky ishte barazimi i tretë radhazi për Skënder Gegën, por ekipi korçar ka nevojë për fitore për të shpëtuar. Uerdi Mara, Elvi Berisha dhe Belhajdi Pusi provuan për Skënderbeun, ndërkohë që te Teuta iu afrua golit me Ruben Acquah dhe Emiliano Vilën.