Teuta fiton pastër ndaj Beitar, kualifikohet për në raundin e dytë (VIDEO)

Teuta siguron një biletë për në turin e dytë eliminator të Europa League. Skuadra durrsake triumfoi pastër 2-0 ndaj Beitar Jerusalem në “Niko Dovana”, duke siguruar kualifikimin.

Fillimi i ndeshjes ishte fantastik për skuadrën e Martinit që arriti që të zhbllokonte ndeshjen që në minutën e 6-të. Pas një krosimi të bukur nga krah i djathtë, Blerim Krasniqi godet në mënyrë perfekte me kokë duke e dërguar topin në trekëndësh. Izrealitët përpiqen që të reagojnë teksa do të krijonin një mundësi të artë në fundin e fraksionit të parë, por pa mundur që të shënonin.

Në krahun tjetër Teuta krijon një mundësi shumë të mirë me Beqja-n në fillimin e pjesës së dytë, ndërkohë që disa minuta më pas do të duhej një ndërhyrje fantastike e Stivi Frashërit për të mbajtur portën e paprekur.

Në fundin e ndeshjen Todorovski ju afrua golit, por goditja e tij shkon ngjitur me shtyllën. 3 minuta nga fundi Rubin Hebaj do të realizonte golin e dytë pas një asisti të Lorenc Vilës, duke vulosur kualifikimin e durrsakëve. /R.Lika-Koha Jone/