Teuta habit të gjithë, njofton rikthimin e Martinit në stolin e ekipit

Më 26 Nëntor, Edi Martini njoftoi me një vendim surprizë largimin nga stoli i Teutës. Ishte trajneri që bëri historinë me klubin durrsak duke fituar 3 trofe me klubin, kampionatin, Kupën dhe Superkupën.

Teuta i ka habitur të gjithë teksa bëri të ditur se trajneri shkodran është emëruar sërish në krye të skuadrës pasi presidenti Hasanbelliu ka telefonuar atë dhe e ka bindur të rikthehet.

Renato Arapi që ishte trajneri i ri i skuadrës, rikthehet aty ku ishte në Drejtorin Sportiv të Teutës. Emërime të pazakonta, që mund të ndodhin vetëm në Shqipëri.