Teuta i bën dhuratë një sulmues shkodran trajnerit Martini

Pas aventurës në Ukrainë me Vorskla Poltavën, Rubin Hebaj rikthehet në Kategorinë Superiore, teksa sot ka nënshkruar me skuadrën e Teutës, ku do të tentojë që të shënojë sa më shumë gola.

Futbollisti shkodran u transferua në verë në Ukrainë, pas një sezoni jo shumë pozitiv me fanellën e Partizanit, ndërsa në fund të vitit të kaluar u rikthye në shtëpi dhe negocioi me disa skuadra, por në fund zgjodhi durrsakët.

Për Hebajn ka këmbëngulur shumë tekniku Edi Martini, që më herët kishte larguar nga ekipi sulmuesit Nikaç e Khalid, që nuk kishin bindur gjatë gjysmës së parë të sezonit.