Teuta rikthehet te fitorja në Superiore, i falet Vilës ndaj Skënderbeut (VIDEO)
Sporti E Hënë, 31 Janar 2022 19:02
Pas katër humbjeve radhazi, Teuta është rikthyer te tre pikët e plota teksa ka mposhtur ashtu si në ndeshjen e Kupës me rezultatin 0-1, Skënderbeun.
Durrsakët iu falën një goli në pjesën e dytë nga ana e Lorenco Vilës i cili shfrytëzoi më së miri një harkim të Peposhit dhe me kokë mposhti portierin Bekim Rexhepin. Ky ishte goli i tretë sezonal për të, teksa interesant është fakti se të tre golat, ia ka shënuar Skënderbeut.
Pas këtij suksesi, të besuarit e trajnerit Renato Arapi ngjiten në kuotën e 21 pikëve ndërsa mbeten në vendin e gjashtë të renditjes.
