Tevez zbulon si “tradhtoi” Juven: Në finalen e Championsit mendoja për Boca-n

Carlitos Tevez nuk është një nga ata futbollistë që i pëlqen të flasë shumë, pasi lë fushën shpesh që të flasë për të. Ish-sulmuesi i Juventusit në një intervistë që ka dhënë për “ESPN”, ka rrëfyer disa prapaskena interesante.

“Boca Juniors është jeta ime. Një familje që shkon përtej futbollit. Boca është aq e rëndësishme, aq sa edhe pse po luaja në finalen e Championsit ndaj Barcelonës, mendoja për Boca-n. Më donin ekipe si Atletico, Bayerni, të gjithë. Por unë ndjeja se doja të kthehesha në shtëpi për të fituar diçka me atë fanellë”, tha sulmuesi argjentinas.

Por cilës finale i referohet Tevez? Atë të vitit 2009 me United, apo atë të vitit 2015 me fanellën e Juventusit?

“Të dytën. I thashë Agnellit në fillim, dhe në fakt sezoni shkoi shumë mirë, por i shpreha dëshirën që të kaloja te Boca. Ai më kuptoi”, deklaroi Tevez. /R.Lika-Koha Jone/