Thirrje ndaj Kosovës, përleshje mes tifozëve të Novi Pazar dhe Jagellonias

Ndeshja e Conference League ndërmjet skuadrës serbe Novi Pazar dhe asaj polake Jagiellonia u shoqërua me incidente të rënda në tribuna, pasi tifozët polakë provokuan me thirrje kundër Kosovës.

Sipas raportimeve, mbështetësit e Jagiellonias, të cilët njihen për qëndrimet e tyre pro-serbe, filluan të brohorisnin slogane me përmbajtje etnike dhe fyese ndaj Kosovës. Kjo shkaktoi reagimin e menjëhershëm të tifozëve vendas, “Torcida”, grup i organizuar nga Sanxhaku me lidhje të forta identitare shqiptare.

Përplasja mes dy palëve eskaloi në përleshje fizike në tribunat e stadiumit, duke detyruar ndërhyrjen e forcave të sigurisë për të qetësuar situatën. Ngjarja solli një atmosferë të tensionuar që e la në hije zhvillimin sportiv të ndeshjes. Pavarësisht trazirave, sfida përfundoi me fitoren 2-1 të ekipit mik, Jagiellonia.