Tifozët e Tiranës bëjnë veprimin e papritur në Elbasan, shikoni si mbulojnë logon e Partizanit

Tifozët e Tiranës janë më të shumtë në numër, në derbin ndaj Partizanit në “Elbasan Arena”, ndonëse pritës janë të kuqtë.

Fansat bardheblu janë pozicionuar poshtë tabelës elektronike të stadiumit, ku shfaqen skuadrat që ndeshen, bashkë me logot përkatëse, por pikërisht “e kuqja” e Partizanit ka “tërbuar” tifozët e Tiranës.

Disa prej tyre janë munduar të mbulojnë logon e kuqe me një flamur të Tiranës, megjithatë delegati i ndeshjes ka vënë re gjithçka dhe ka njoftuar që të hiqet baneri e logoja e Partizanit të jetë e dukshme normalisht, para fillimit të ndeshjes.