Tifozët për trajnerin e Kukësit: Ata burgosin Ballistin, ne u punësojmë të birin

Pas largimit të trajnerit Ernest Gjoka, Kukësi ia ka besuar stolin teknikut serb, Mladen Milinkoviç. Ky i fundit ka lënë Luftëtarin dhe do u bashkohet kampionëve të Shqipërisë për të nisur aventurën e tij të re. Ky lajm nuk është pritur aspak mirë nga tifozët e Kukësit të cilët e lidhin afrimin e trajnerit Milinkoviç me ekstradimin e Ballist Morinës në Serbi. Faqja “Tifozat Kuksian”, ka dalë hapur kundër drejtuesve të ekipit për të sjellë në skuadër këtë trajner. “Ata na fusin heroin në burg, ne u punësojmë të birin!”, ka qenë një nga statuset e tyre i shoqëruar dhe me foto ku duket qartë inati që kanë përbrenda.