Tifozi nga Argjentina bën mbi 11 mijë kilometra për të takuar Myrto Uzunin

Myrto Uzuni, po kalon një formë të shkëlqyer me Granadën në Spanjë. Bomberi kuqezi ka shënuar tre gola në ndeshjen ndaj Kartagjenës, duke e vulosur rezultatin në 4-1 për skuadrën e tij.

14 golat e shënuar e kanë bërë sulmuesin beratas, i cili në këtë sezon ka mbajtur në disa ndeshje edhe shiritin e kapitenit te Granada, idhullin e tifozëve vendas.

Të gjithë janë të çmendur pas Uzunit dhe këtë e vërteton më së miri rrugëtimi që një tifoz i Granadës nga Argjentina, ka ndërmarrë për të takuar idhullin e tij më të madh.

Vogëlushi nga provinca e Tukaman në Argjentinë ka përshkruar mbi 11.600 kilometra për të parë nga afër duke luajtur sulmuesin kuqezi në stadiumin e skuadrës së tij të zemrës.

Lodhja e mundimi ja vlejtën pasi Granada ia plotësoi ëndrrën djaloshit argjentinas për të takuar nga afër Myrto Uzunin pas ndeshjes.

🛩️ Santi viajó 𝟏𝟏.𝟔𝟎𝟗 𝐤𝐦 para ver a su Granada y conocer a Myrto Uzuni.

Desde Tucumán hasta Los Cármenes para cumplir su sueño. 🇦🇷❤️ pic.twitter.com/Y2JC7Fhppg

— Granada CF ❤️⚪️ (@GranadaCF) December 17, 2024