Tirana fiton me poker ndaj Kukësit në “Air Albania” dhe blindon kreun

Tirana ka arritur një fitore spektakolare në “Air Albania” ndaj Kukësit, duke hedhur një hap drejt titullit kampion. Bardheblutë triumfuan 4-0 ndaj verilindorëve falë një futbolli shumë të bukur në supersfidën e javës së 18-të në Abissnet Superiore.

Dy golat spektakolarë të Redon Xhixhës (dhe dy golat e Taulant Seferit, i cili i bashkohet Guindos në krye të renditjes së golashënuesve me nga 9 realizime, i dhuruan 25 herë kampionëve të Shqipërisë triumfin përballë Kukësit, që mungonte në kampionat prej 4 nëntorit të vitit 2020.

Suksesi i sotëm ka ngjitur Tiranën në kuotën e 40 pikëve, ndërsa Kukësi, mbetet në kuotën e 31 pikëve.