Tirana rigjen fitoren në Superiore, Kukësi luan tenis ndaj Kastriotit

Tirana është rikthyer fitorja në kampionat duke marrë një sukses të pastër 2-0 në transfertën ndaj Egnatias. Bardheblutë ishin dominues në fushë ndaj rrogozhinasve ndërsa e nisën me vrull sfidën duke kërkuar golin me anë të Seferit.

Në minutën e 38-të, sulmuesi do të jepte një asist për Ismajlgecin, i cili do të realizonte golin e avantazhit me një goditje të fortë brenda zonës. Vendasit u tronditën nga goli i pësuar teksa në fundin e fraksionit të parë do të pësonin edhe të dytin pas një goditje të Seferit, që nuk u ndal mirë nga protieri dhe më pas u shty në rrjetë nga Ngoo. Në pjesën e dytë nuk do të kishte më gola të tjerë.

Kukësi nuk i ndahet bardheblutë duke marrë një fitore spektakolare në shifrat 6-1 në transfertën ndaj Kastriotit. Dueli i luajtur në Kamzë u dominua nga verilindorët, teksa Feijao do të spikaste me tripletë, ndërkohë që golat e tjerë u shënuan nga Milunovic, Taipi dhe Bruno Lulaj në shtesë.