Tirana shkatërron Luftëtarin dhe merr kreun, Teuta fiton me një “perlë’ të Vilës (VIDEO)

Tirana vazhdon momentin fantastik nën drejtimin e Egbo, duke marrë fitoren e pestë radhazi. Bardheblutë triumfuan në shifrat 5-1 ndaj Luftëtarit, duke marrë përkohësisht vendin e parë në renditje.

Skuadra kryeqytetase e zgjidhi ndeshjen që në 45-minutat e para duke shënuar tri gola më Cobbinah, Bathën dhe Ngoo. Cela shënoi për gjirokastritët në fillimin e pjesës së dytë, por shpresat e Luftëtarit do të zgjasnin shumë pak.

Muci shënoi golin e katërt në minutën e 63-të, ndërkohë që Idriz Batha shënoi dhe golin e pestë. Kjo fitore e ngjit përkohësisht Tiranën në vendin e parë me 34 pikë, dy më shumë se Kukësi.

Në ndeshjen tjetër, Teuta mori një fitore shumë të rëndësishme 1-0 ndaj Bylisit. Ndeshjen do ta vendoste një super gol i shënuar nga Lorenc Vila në minutën e 11-të me një “predhë” nga distanca. /R.Lika-Koha Jone/