Totenham e nis mbarë 2021, shkatërron Leeds dhe merr vendin e tretë (VIDEO)

Tottenham e nis në mënyrën më të mbarë të mundshme vitin 2021. Skuadra e Jose Mourinhos është rikthyer te fitoret pas katër ndeshjesh në Premier League, teksa sot ka mposhtur pastër 3-0 Leeds-in.

Ishte një fitore e thjeshtë për skuadrën londineze, që do të kalonte fillimisht në avantazh në minutën e 29-ë me Harry Kane. Në fundin e pjesës së parë, Son do të realizonte edhe golin e dytë, pas një finalizimi perfekt në zonë.

Në fillimin e fraksionit të dytë, Alderweireld do të shënonte me kokë edhe golin e tretë që vulosi suksesin e “Spursave”. Tottenham tashmë mban vendin e tretë me 29 pikë, 4 më pak se Liverpooli dhe United. /R.Lika-Koha Jone/