Tottenham bën detyrën ndaj Sheffield, Ndombele shënon një “perlë” (VIDEO)

Tottenham rikthehet në rrugën e fitores në Premer League, duke marrë 3 pikë të rëndësishme në transfertën ndaj Sheffield United. Ekipi i Mourinhos triumfoi 3-1, teksa gjeti golin e avantazhit që në minutën e 5-të me Aurier. Mbrojtësi shfrytëzoi një përgjumje të mbrojtjes vendase.

Në minutën e 40-të, “Spursat” rikuperojnë një top, atje ku Harry Kane nuk fal me një goditje në hyrje të zonës, dujke dyfishuar shifrat. Sheffield provoi të rihapte ndeshjen, duke shkurtuar shifrat në fillimin e pjesës së dytë me McGoldrick, por shpresat e tyre do të shuheshin shumë shpejt.

3 minuta më pas Ndombele dhuroi spektakël me një parabël shumë të bukur brenda zonës, duke lënë të shtangur portierin Ramsdale, që e kuptoi vonë daljen e gabuar nga katërkëndëshi. Tottenham tashmë e sheh veten në vendin e katërt me 33 pikë, po aq sa Liverpooli, por me një ndeshje më shumë të luajtur. /R.Lika-Koha Jone/