Tottenham mund pastër City-in, Mourinho triumfon ndaj Guardiolës (VIDEO)

Tottenham ka arritur që të dalë triumfues në super ndeshjen e javës së 25-të ndaj Manchester City-it në Premier League. Skuadra e Jose Mourinho shfrytëzoi më së miri penalltinë e pritur nga Lloris nga Gundogan në fundin e pjesës së parë për të marrë emër në fraksionin e dytë.

Zinchenko la City-in me një lojtar më pak që nga minuta e 60-të, teksa 3 minuta më pas Bergwijn shënoi një gol spektakolar me një goditje në hyrje të zonës. Son disa minuta më pas realizoi edhe golin e sigurisë.

Pas kësaj fitoreje, Tottenham renditet në vendin e 5-të me 37 pikë, vetëm 4 më pak se Chelsea i vendit të katërt. City ndërkohë është 22 pikë larg nga Liverpooli i vendit të parë. /R.Lika-Koha Jone/