Tottenham rigjen fitoren, me Son dhe Kane mund WBA (VIDEO)

Tottenham është rikthyer në rrugën e fitoreve në Premier League me rikthimin në fushë të Harry Kane. “Spursa-t” triumfuan 2-0 ndaj WBA, teksa tashmë ngjiten në vendin e 7-të me 36 pikë.

Në fillimin e pjesës së dytë, Harry Kane merr një top brenda zonës, teksa me një lëvizje të bukur arrin që ta dërgojë topin në cepin e portës. Në minutën e 58-të, pas një kundërsulmi perfekt të Lucas, Son është në vendin dhe në kohën e duhur për ta dërguar topin në kuadrat.

Pas 3 humbjesh radhazi, skuadra e Mourinhos rigjeti fitoren në Premier League, pasi është në një pozicion aspak të mirë për të arritur një vend në zonën Champions. /R.Lika-Koha Jone/