Tragjedi pas eliminimit të Nigerisë, nga trazirat humb jetën mjeku i FIFA

Nigeria mbeti jashtë Botërorit, duke u shoqëruar me incidente nga tifozët, por edhe me tragjedi. Pas barazimit 1-1 përballë Ganës dhe në formë proteste për paraqitjen e ekipit të tyre përfaqësues, qindra tifozë nigerianë pushtuan fushën e lojës.

Sipas raportimeve, prej trazirave të shkaktuara, humbi jetën një mjek nga Zambia, i caktuar nga FIFA për kontrollet anti-doping. Shkaqet e tragjedisë mbeten ende për t’u zbardhur.

Tifozët prishën stolat në tribuna, pankinat, flamujt që vendosen në goditjet e këndit, e madje arritën deri aty sa shkatërruan edhe terrenin e lojës. Për të rikthyer rregullin ishte e nevojshme ndërhyrja e policisë, që përdori gazin lotsjellës për të shpërndarë turmën.