Trajneri i Barcelonës e tepron ndaj gjyqtarit: Ke miq të shkëlqyer në Itali (VIDEO)

Juventus fitoi dhe dominoi mbrëmjen e djeshme 3-0 kundër Barcelonës.  Ndeshja u zhbllokua nga një penallti e akorduar nga arbitri Tobias Stieler, pas një kontakti të dyshimtë midis Araujo dhe Ronaldos, i cili nuk e bindi aspak Ronald Koeman në stol.

Trajneri holandez, nuk e ka pritur mirë vendimin e arbitrit gjerman.  Sipas pamjeve të transmetuara  “Movistar” shihet qartë se si Koeman iu drejtua gjyqtarit në anglisht, menjëherë pas fishkëllimës së trefishtë: “Ju keni miq shumë të mirë në Itali”.

Strategu holandez harroi se arbitri Stieler fali në penalltinë e dytë Lenglet, diçka që e kuptoi fare mirë, pasi e zëvendësoi pak sekonda pas ekzekutimit të penalltisë së dytë.