Tre arsye pse duhet të jetë ndeshja e parë Euro 2016, Francë-Shqipëri

Revista prestigjioze sportive franceze, “France Football” dëshiron që Kampionatin Europian ta hapë sfida mes vendit pritës dhe Shqipërisë.

Në numrin e saj të përjavshëm, në rubrikën “3 arsye për…”, shkruhet se Franca mikëpritëse duhet të luajë takimin e parë me kombëtaren kuqezi, e cila është debutuese në një kompeticion të tillë.

Por kjo do të varet nga shorti, nëse Shqipëria do të jetë sërish në një grup me Francën, si në kualifikueset e fundit. Kutjojmë se Franca si vend organizator zhvilloi vetëm ndeshje miqësore me ekipet e grupit tonë, pasi ishte e kualifikuar direkt.

Së dyti, revista sportive franceze shton faktin se dy nga futbollistët shqiptarë, Lorik Cana dhe Ermir Lenjani luajnë me skuadrën e Nantes, një qytet i njohur ndryshe dhe si fatsjellës i gjelave.

Së treti, djemtë e De Biazit janë të vetmit që arritën t’i merrnin 4 pikë në grup skuadrës së Deshampit, ndonëse pikët ishin sa për statistikë.

Po ashtu, edhe në Botërorin 1998 kur Franca ishte organizatore e këtij eventi, luajti kundër një debutuesi në ceremoninë  hapjes, që ishte Afrika e Jugut. Në fund, fitoi Kupën e Botës.

Këto janë tre  arsyet sipas “France Football” pse Franca duhet të luajë ndeshjen hapëse të “Euro 2016” me Shqipërinë.