Tronditet Lazio, kapiteni boshnjak i bardhekaltërve disa javë jashtë fushave

Lazio merr një goditje nga infermieria në momentin e saj më të mirë.  Senad Lulic do të duhet t’i nënshtrohet një operacioni për një problem në kavilje dhe parashikimet më optimiste janë për një mungesë prej të paktën 6 javësh në fushat e lojës.

Futbollisti 34-vjeçar prej kohësh kryente një program specifik, por duket se konkluzioni final i mjekëve është që nuk mund të rikuperohet pa operacion dhe ndërhyrja kirurgjikale pritet të kryhet këto ditë.

Inzaghi tashmë do duhet t’i besojë brazilianit Jony në krahun e majtë, një futbollist i ardhur vetëm këtë verë te bardhekaltrit, por që është përshtatur shumë shpejt.