Tuchel: Asnjë nuk do ta harrojë punën tënde te PSG!

Thomas Tuchel u shkarkua dje nga Paris Saint Germain, me një vendim të beftë, që erdhi vetëm pak orë pas fitores së thellë 4-0 ndaj Strasburgut, ndërsa në vendin e tij u emërua argjentinasi Maurizio Pocchetino.

Strategu gjerman qëndroi për më shumë se dy sezone në “Parc des Princes” dhe arriti të fitojë dy tituj kampionë me PSG-në si dhe të çojë skuadrën deri në finalen e Ligës së Kampionëve në sezonin që lamë pas, ku u mposht me rezultatin minimal 1-0 nga Bayern Munich.

Një nga njerëzit që e ka vlerësuar më së shumti trajnerin gjerman për punën e bërë te PSG-ja, është pikërisht sulmuesi i talentuar francez, Kylian Mbappe, i cili i ka dedikuar një postim përshëndetës në rrjetet sociale, Tuchelit.

“Për fat të keq kështu është ligji i futbollit. Askush nuk do ta harrojë punën tënde këtu. Ke shkruar një kapitull të bukur të klubit. Faleminderit”, shkroi Mbappe në rrjetet sociale, për të përshëndetur trajnerin Tuchel në ditën e fundit të punës