Tuchel: Barazimi do të ishte rezultati më i drejtë, Lukaku humbi shumë topa

Manchester City mori një fitore të rëndësishme 1-0 ndaj Chelsea-t duke hedhur një hap drejt titullit. Trajneri i Bluve të Londrës, Thomas Tuchel është shprehur se rezultati më i drejtë do të ishte barazimi, ndërkohë që kritikoi Lukakun për humbjen e disa topave.

“Rezultati është absolutisht zhgënjyes, por mund të ndodhë kur luan ndaj Manchester City. Mendoj se e merituam një barazim, por nuk patëm shanse të mëdha. Në të njëjtën kohë nuk patëm shumë presion prej tyre. E merituam barazimin si rezultat, do të ishte më i drejtë, por nuk ia dolëm.

Ne kemi fituar ndeshje të tilla kundër Manchester City-t, kështu që ishte vërtet e çuditshme. Kishim shumë probleme me sulmuesit tanë, duke e humbur topin shumë lehtë. Ndonjëherë Lukaku duhet të ishte më i disponueshëm për ekipin, ai humbi shumë topa në situata premtuese. Natyrisht që do të donim t’i shërbenim më mirë, por ai është pjesë e ekipit dhe duhet të vihet në dispozicion”, deklaroi Tuchel.