Tuchel i gëzohet fitores së parë me Chelsea-n, shënojnë dy mbrojtës (VIDEO)

Thomas Tuchel shijon fitoren e parë në krye të Chelsea-t. Trajneri gjerman i afruar pak ditë më parë nga Blutë e Londrës i është gëzuar fitores 2-0 kundër Burnley.

Londinezët vijojnë të shfaqin probleme të mëdha në kampionat, teksa sot i janë falur një goli të mbrojtësit Azpilicueta. Kapiteni i Bluve shënoi në minutën e 40-të pas një vrapimi fantastik në kundërsulm, teksa në fund konkretizoi me një qetësi për t’u pasur zili dhe nga sulmuesit.

Në fraksionin e dytë Chelsea ruajti mjaft mirë rezultati, ndërkohë që në minutat e fundit mbrojtësi tjetër i krahut, Alonso shënoi dhe golin e sigurisë. Ekipi i Tuchel ngjitet në vendin e 7-të me 33 pikë pas 21 javësh, duke qenë shumë larg objektivave sezonal. /R.Lika-Koha Jone/