Tuchel i pavendosur për të ardhmen e Armando Brojës

Chelsea është në mëdyshje për të ardhmen e Armando Brojës, i cili nuk ka mundur që të gjejë formën e tij më të mirë. Shqiptari aktualisht është jashtë skuadrës përgatitore të “Bluve” të Londrës për shkak të një dëmtimi dhe e ardhmja e tij tashmë është një shqetësim.

Thomas Tuchel nuk pranon ta largojë, por njëkohësisht nuk duket as i bindur për ta pasur aktiv në skuadrën e tij. Sulmuesi cilësohet si një talent që mund të ecë mirë në ekipin e parë të Chelsea-t nëse i jepej një shans.

Sulmuesi shqiptar është i bindur se do e ketë një mundësi për të luajtur në ekipin e parë. Gjithsesi edhe nëse skuadra londineze do të vendosë që të huazohet diku tjetër nuk do të ishte aspak problem për të.