U dëmtua ndaj Arsenalit, Broja në dyshim për sfidën ndaj Crystal Palace

Armando Broja është në dyshim për ndeshjen e sotme që Southampton do të luajë në transfertë ndaj Crystal Palace. Sulmuesi i Kombëtares shqiptare luajti 70 minuta ndaj Arsenal pak ditë më parë dhe doli nga fusha i dëmtuar.

Mediat angleze bëjnë me dije se Broja ka probleme muskulore dhe sot do të bëjë kontrollet e radhës për të parë nëse do të jetë në gjendje për të zbritur në fushë apo jo.

Bomberi kuqezi sipas trajerit është stërvitur ditën e djeshme, por me shumë mundësi trajneri Hasenhuttl nuk do ta rrezikojë. Ai dhe Armstrong janë në rrezik për të mos luajtur kur mbeten edhe pak orë larg duelit.