U hoq si e sëmur për të shkuar në stadium, tifozja e “çmendur” e Anglisë pushohet nga puna

Anglia siguroi një biletë për në finalen e madhe të “Euro 2020”, pasi siguruan kualifikimin falë një goli në shtesë nga Harry Kane. Në “Wembley” ishin të pranishëm 66 mijë tifozë, që patën fatin të siguronin një biletë. Në mesin e tyre ishte edhe Nina Farooqi, e cila punon si krijuese e përmbajtjeve digjitale (digjital content producer) në Angli. Ajo siguroi një biletë në ditën e fundit së bashku me një mikeshën e saj. Por ajo kishte një problem, pasi duhet të merrte leje në punë.

Miratimi nga shefi ishte i vështirë brenda pak orësh, ndaj sajoi sikur ishte e sëmurë ndaj dhe nuk u paraqit. 37-vjeçarja ndërkohë kishte siguruar një biletë pas portë, por për fatin e saj të keq, në golin e dytë të shënuar kamerat e kapën atë dhe mikeshën e saj duke festuar. Shefi i saj e ndoqi nga ekrani dhe të nesërmen në mëngjes i komunikoi në telefon se ishte e pushuar nga puna.

“Ishte një miksim emocionesh, arritëm të kalonim në finale dhe jam akoma entuziaste, por ndërkohë humba punën. Shoqja mori një biletë në momentet e fundit, nuk doja që ta hidhja poshtë si mundësi. Më kujtohet që në vitin 1996 kam qartë në divanin e mamasë kur Southgate humbi penalltinë. Futbolli është jeta ime. Fytyra ime ishte në çdo ekran televiziv në gjithë botën, kisha miq nga Australia dhe Amerika që më kishin parë. Më vjen keq për shkarkimin nga puna, por do ta bëja sërish të njëjtin veprim”, tha Nina në sqarimin e saj për “The Sun”. /Rozalb Lika-Koha Jone/