U kërcënua nga tifozët e Suedisë, Isak blen një qen për t’u mbrojtur

Alexander Isak pritet të mirëpresë një anëtar të ri në familje, por këtë herë jo një foshnjë, por një qen roje. Sulmuesi i Liverpool-it ka marrë masa shtesë sigurie pas kërcënimeve me vdekje që ka marrë nga tifozë të Suedisë, si dhe për shkak të valës në rritje të vjedhjeve në shtëpitë e futbollistëve në Angli.

Ai ka porositur një doberman të trajnuar nga një kompani elitare që furnizon lojtarë të Premier League me kafshë të specializuara për mbrojtje. Muajt e fundit kanë qenë tejet të turbullt për 24-vjeçarin. Gjatë verës, saga e gjatë e merkatos me Neëcastle e detyroi sulmuesin të bojkotonte stërvitjet për të siguruar lëvizjen drejt Liverpool-it.

Situata u përkeqësua edhe më shumë pas rezultateve zhgënjyese të Suedisë në kualifikueset e Botërorit 2026, kur ai dhe familjarët e tij u bënë objekt i kërcënimeve të rënda nga disa tifozë të irrituar. Sipas “The Sun”, vendimi për të marrë një qen roje ka ardhur si pjesë e një trendi të përhapur mes futbollistëve të Premier League.