U masturbua për herë të dytë në publik, arrestohet sërish futbollisti

Farid El Melali është i pandreqshëm. Sulmuesi algjerian i Angers në Ligue 1 ka patur sërish probleme me policinë franceze ditën e mërkurë. Futbollisti është shoqëruar në komisariat për një gjest të pahijshëm.

Pas akuzave për ngacmime seksuale që u ngritën ndaj tij në maj, tashmë Melali akuzohet nga komshinjtë e tij për mastrubim në publik. Sipas raportimit të “Ouest France”, 23-vjeçari ka dhënë deklaratën e tij ditën e djeshme në polici dhe më pas ka shkuar në seancën stërvitore të paradites.

Dëshmitarët e kanë denoncuar El Melalin, pasi ai po masturbohej në ballkonin e shtëpisë së tij, ndërkohë që po shikonte një grua në katin e parë.  Komshinjtë e gruas në fjalë lajmëruan menjëherë policinë, e cila erdhi në vendin e ngjarjes dhe arrestoi sulmuesin. Tashmë lojtari do të dalë përpara gjykatës në 25 gusht, ku do të merret dhe vendimin final për të.