U operua në shpatull, Bellingham tregon pasojat në rrjetet sociale

Ylli i Real Madridit, Jude Bellingham, ka kaluar me sukses një operacion në shpatullën e majtë, një problem që e kishte shoqëruar prej kohësh dhe që e detyroi të ndërpriste aktivitetin pas përfundimit të sezonit dhe Kampionatit Evropian.

Ndërhyrja kirurgjikale u krye më 16 korrik nga mjekët Andrew Wallace dhe Susan Alexander, me qëllimin për të zgjidhur një herë e mirë shqetësimet fizike të mesfushorit anglez. Sipas klubit madrilen, koha e rikuperimit parashikohet të zgjasë rreth tre muaj, duke bërë që Bellingham të humbasë fillimin e sezonit të ri.

Gjatë këtyre ditëve, ndërsa pjesa tjetër e skuadrës ka nisur përgatitjet për sezonin, Bellingham ndodhet ende në pushime. Ai ka zgjedhur të ndajë me ndjekësit e tij në rrjetet sociale një foto të plagës së operacionit, ku duket qartë ndërhyrja e bërë në zonën e shpatullës, një imazh që ka marrë mijëra reagime dhe mesazhe mbështetjeje.