UEFA zbulon formacionin më të mirë të vitit 2020

UEFA ka publikuar ekipin e vitit 2020, të votuar nga tifozët. Cristiano Ronaldo është përfshirë për të pesëmbëdhjetën herë në formacionin që votohet çdo vit nëpërmjet faqes zyrtare “uefa.com”. Portugezi i Juventusit ka qenë i pranishëm në këtë formacion më shumë se kushdo tjetër, i ndjekur nga Leo Messi, me 12 prezenca.

Neuer është përzgjedhur si portieri më i mirë. Kimmich dhe Davies do të luajnë në krahët e mbrojtjes. Van Dijk dhe Ramos janë përzgjedhur në qendër. Përpara tyre në mesfushë është dyshja De Bruyne-Thiago Alcantara. Për të kaluar në sulm, atje ku Messi, Neymar dhe Ronaldo formojnë trinomin magjik pas Lewandowskit.