UEFA zbulon lojtarin më të mirë të kombëtares sonë në kualifikueset e “Euro 2020”

Mbrëmjen e djeshme u zbuluan 20 skuadrat e kualifikuara direkt për në fazën finale të Europianit të vitit të ardhshëm, ndërsa katër të tjera do të dalin nga “play-off”-i.

Shqipëria nuk ia doli ta priste një biletë të tillë, pasi u rendit në vendin e katërt të grupit H, me 13 pikë, mbas Francës, Turqisë dhe Islandës. UEFA ka përllogaritur tashmë pikëzimin e të gjithë lojtarëve që morën pjesë në këtë fushatë eliminatore, edhe për kuqezinjtë tanë.

Nga të besuarit e trajnerit Edy Reja dhe Christian Panucci, më i miri ka rezultuar mbrojtësi Ardian Ismajli, i renditur mes 200 futbollistëve më të mirë. 23-vjeçari i Hajdukut të Splitit është vlerësuar me 620 pikë, ndërsa pas tij pozicionohen Berat Djimsiti (547 pikë) dhe Frederic Veseli (500 pikë) në podium.