“Unë nuk di asgjë”, babai i Messit zbarkon në Barcelonë për të qartësuar të ardhmen

Jorge Messi tashmë është në Barcelonë. Babai i Leo Messi zbarkoi këtë të mërkurë, herët në mëngjes, në aeroportin “El Prat”, ku një grup i madh gazetarësh tashmë e prisnin.

“Unë nuk di asgjë, djema” – ishte e vetmja gjë që tha Jorge Messi, ndërsa shmangu praninë e gazetarëve dhe hipi në një taksi. Duhet të mbahet mend se qëllimi i Messit është të largohet nga Barça përmes një zgjidhjeje konsensuale.

Takimi i nivelit të lartë midis Bartomeu dhe Jorge Messi do të jetë thelbësor për të sqaruar të ardhmen e “10” së Barçës. Ndërsa Manchester City pret që Messi të shkëputet nga Barça pa zhurmë dhe detyrime financiare e gjyqësore, presidenti Bartomeu vazhdon të shpresojë se mund ta bindë Leon të qëndrojë.