United “ngec” edhe ndaj Leicester, Championsi gjithnjë e më larg (VIDEO)

Manchester United nuk ka mundur të shkojë më shumë se një barazim 1-1 ndaj Leicester në duelin e javës së 31-të në Premier League.

Pjesa e parë u mbyll me barazim pa gola edhe pse rastet ishin të shumta nga të dyja anët, por as “Djajtë e kuq” dhe as “Dhelprat” nuk ia dolën që të realizonin.

Goli i parë i këtij takimi erdhi në minutën e 63-të me Iheanachon, i cili i dha avantazhin Leicesterit, por gëzimi i tyre zgjati 3 minuta, pasi Fred do të barazonte menjëherë shifrat.

10 minuta nga fundi i kohës së rregullt, Maddison do të shënonte golin e dytë për Leicesterin, por që do të anulohej me VAR pas një faulli ndaj Varane.

Manchester United mban vendin e gjashtë me 51 pikë, ndërkohë që Leicester gjendet në vend të nëntë me 37 pikë të grumbulluara.